[wpdm_package id=’169′]
[wpdm_package id=’193′]
[wpdm_package id=’199′]
[wpdm_package id=’191′]
[wpdm_package id=’190′]
[wpdm_package id=’192′]
[wpdm_package id=’246′]
Danezan
Kovara Temaşeyê li ser malpera xwe ya fermî hate weşandin. Piştî vê pêngavê, êdî her demsal ango 3 mehan carekê dê bê weşandin. Kovar ji serî heta binî li ser înternetê ye, bi awayekî PDF tê daxistin.
Xwedî û berpirs Mehmûd Beyto û Cîhan Ulus in, du xortên jîr û jêhatî ne. Ji bilî kar û barên xwe wekî hezkiriyên sînemayê dest avêtine vî karê pîroz.
Armanca mezin a kovarê ew e ku pêşî famkirin û rexneya sînemaya cîhanê paşê jî sînemaya kurdî, sermiyana kurd û kurdewariyê; ax, ziman û çanda kurdan bi nêrîn û rexneyan derxin ber sînemahezan.
Ji destpêka sînemayê heta sînemaya ewil ya Amerîkayê, sînemaya Hollywoodê, Pêlen nû yên sînemayê, sînemayên netewî û her wekî din sînemaya serbixwe û ya aktuel jî tê de cîh digire. Bi van sernavan Kovara Temaşeyê dikeve bin barekî mezin î giran û bi saya serê sînemahezan ev bar wê gelekî sivik û şêrîn bibe.
Sînema heta ku giha rojama di gelek dewr û qonaxen de derbas bû, ji bo wê jî gelek alî û hêlên sînemayê di kovarê de cîh girtine. Fîlmên bêdeng, fîlmên kult, rêzefîlm û anîme tê de ne.
Ji bo destpêkê û hejmara yekem, mijarên li gor wê derketine pêş. Nivîsên li ser destpêka sînemayê û destpêka Sînemaya Kurdî hene, paşê ji mijarên roja me serpêhatiyeke biçûk û rewşa Netfliksê, wekî gelek cureyan mîzaha di nav sînemayê de hatiye nirxandin.
Ji aliyê din ve derhênerên mezin Charlie Chaplin, Steven Spielberg, Thedoros Angelopoulos û Milos Forman bi fîlmên xwe hatine nivisandin.
Derhênerê kurd yê navdar Ali Kemal Çinar roportajeke têr û tije daye kovarê û him fîlmê xwe him jî rewşa sînemayê diaxive.
Rexneya pirtûka Mizgin Arslan ya ku bi tirkî hatiye nivisandin “Sînemaya Kurdî: Bêwelatî, Sînor û Mirin” di kovarê cih girtiye.
Ji bilî van fîlmên kult yê bi navê “12 Zilamên Hêrsok” û fîlmê “Bêkas” di kovarê de ye.
Rêzefîlma Mindhunter ji aliyê sûc û tawanê ve hatiye lêkolan. Herwiha anîmeya kult ya bi navê Sîmyagerê Pola: Biratî jî hatiye nirxandin.
Kovara Temaşeyê fîlmên ro û rojeva me jî daye nasandin û bi navê termên sînemayê ferhengokek amade kiriye. Her hejmar dê peyvên nû lê bêne zêdekirin.
Ji bo fîlm amûra sereke kamera jî bi tevger û hereketên sereke hatiye nasandin.
Kovara Temaşeyê bi sermiyaniya kurdî û kurdewarî berê xwe daye sînemaya cîhanê û ji wir dîsa vedigere mala kurdan û sînemaya kurdî dide temaşekirin.